Comunidade
Benvidos a iSlow Coliving!
Sobre nós
Somos Inés, Julio, Lois e Amelie, unha familia de raíces celtas. En 2020 volvemos de Reino Unido onde levábamos algo máis de 10 anos. Gustounos e desfrutamos da vida no estranxeiro, pero na nosa cabeza xurdiron moitas ideas arredor da nosa “casa vella”.
Pasaron así varios anos, macerando ideas, ata que un día sentimos a chamada de volver á casa e volvemos cargados de plans.
Queríamos que os nosos fillos medrasen en contacto coa natureza, estar preto das persoas que queremos e vivir en comunidade.
Pero tamén crear a nosa rede e emprender un proxecto que axude a satisfacer as necesidades da nosa contorna. Ser unha porta aberta a un estilo de traballo no que a dixitalización permite a mobilidade e onde os nómades dixitais buscan deterse en iniciativas sostibles e de calidade.
Así nace iSlow, un espazo no que crear conexións mentres se coñece de primeira man A Costa da Morte.
Obtén máis información sobre os que formamos iSlow na seguinte publicación do blog.
A comunidade local
O propósito de iSlow é facilitar a integración dos nosos colivers nun novo ambiente que descoñecen. Somos un pequeno pobo costeiro no que todos ou case todos nos coñecemos e os nosos valores como comunidade quedan patentes na multitude de veces que nos xuntamos para compartir, axudar ou celebrar.
Nós mesmos, as nosas familias, amigos ou colaboradores somos o valor humano de iSlow e o punto de conexión entre a comunidade e os hóspedes, e como tales compartiremos con eles a nosa cultura, a nosa gastronomía ou os nosos costumes ou tradicións. Desexamos, de corazón, que a experiencia en iSlow sexa unha experiencia de vida.
Familias
Un proverbio africano di que se necesita unha aldea para criar un fillo. Este refrán explica a necesidade de que as familias teñan unha rede consolidada arredor da educación dos fillos.
Actualmente, e moito mellorado polo período de pandemia, miles de familias traballan a distancia mentres viaxan. Queren vivir novas experiencias vitais para eles e os seus fillos e, ao mesmo tempo, integralos coas súas obrigas laborais. E non sempre é doado.
Queremos axudar a que este modelo funcione. E queremos facelo porque somos pais e nais e defendemos un modelo de crianza cunha rede de apoio detrás e, sobre todo, porque cremos que unha comunidade na que os nenos teñan un espazo propio e un papel activo é unha comunidade máis saudable.
Sodes unha familia nómade dixital? Traballas mentres viaxas? Cres que a crianza comunitaria é máis beneficiosa e lixeira? Busca en iSlow un lugar para traballar e vivir coa túa familia e tamén descobre todo o que ofrece A Costa da Morte.
