Algunha vez te preguntas por qué te sentes mellor cando estás preto da natureza? A natureza eleva a concentración, reduce os niveis de estrés e mellora o estado de ánimo.
En iSlow cremos que a produtividade e a creatividade soben cando non hai restricións de espazo nin de tempo e nos deixamos levar polos ritmos que marca a natureza. Por iso, os nosos espazos de traballo están pensados para conectarnos co noso contorno máis próximo: o bosque e o mar.
Servizos de coworking
Temos varias salas de traballo, incluíndo un espazo común de coworking onde podes traballar comodamente en compañía doutros colivers de todo o mundo. Con eles podes inspirarte, compartir feedback ou colaborar, unha experiencia ideal se estás a descubrir cómo lanzar un proxecto, dar forma a un produto, definir unha estratexia, etc.
Tamén contamos con espazos comúns interiores (salón e proxeccións, sala de lectura) e exteriores (xardín e bosque) onde compartir momentos de lecer e traballo de forma relaxada. E unha sala privada onde poder realizar reunións, videochamadas ou actividades que requiran unha maior concentración. Unha cociña e unha oficina onde poder cociñar cando queiras, e todo iso cunha conexión a internet de alta velocidade.
Non temos a pílula máxica, pero en iSlow sabemos que levar un estilo de vida consciente e saudable, conectado a un ambiente de incuestionable beleza e tranquilidade e apoiado no coñecemento das persoas que te rodean, axudarache a sacar o mellor de ti como profesional.
Iniciativas iSlow
iSlow é un lugar de vida e traballo, un lugar de conexión co medio, e tamén pretende ser un punto de referencia en canto á formación de emprendedores. Aproveitar o coñecemento que chega a ISlow e amplialo a quen o necesita é un MUST na nosa filosofía.
Por unha banda, queremos axudar a facer crecer aqueles que apostan polo emprendemento e achegalos ao coñecemento e experiencia dos colivers de todo o mundo e dos colaboradores especializados que nos apoian no noso proxecto. E viceversa, que non só aprenden, senón que tamén ensinan. Cremos no coñecemento compartido e bidireccional. Se non, ¿cal é o punto?
Crear comunidade
Por outra banda, crear comunidade significa axudarnos entre todos os membros que comparten este medio rural e mellorar a nosa calidade de vida. Por iso, dende iSlow impulsaremos diferentes iniciativas que axuden a mellorar a Costa da Morte, e tamén o faremos desde diferentes perspectivas: social, económica, paisaxística ou arquitectónica e cultural.
Tamén aproveitaremos todo o coñecemento que nos chega a través dos nosos colivers e emprendedores locais para implicalos en cada unha das iniciativas e así, entre todos, mellorar a calidade de vida da comunidade, facer do noso lugar de vida un lugar mellor e convertelo en inspiración para todos os que o visitan.
